Lëndohet minatori në minierën "Lece" të Medvegjës
Goran Ivanoviq nga Gazdara (1963), minator në minierën "Lece", në Medvegjë, rëndë është lënduar me rastin e shembjeve në shpellë.Kryetari i komunës së Medvegjës, Nebojsha Arsiq, ka thënë se minatori i lënduar është duke u përmirësuar.
“Sipas informatave të fundit të cilat i kam, gjendja e tij shëndetësore është stabile“, ka thënë Arsiq, shkruan fonet.
Minatori i lënduar pas rastit në fjalë menjëherë është dërguar në Qendrën Klinike të Nishit, ku është operuar dhe tani është duke u përmirësuar.
Ivanoviq ka thyer brinjët dhe ka lënduar shpretkën, por ka pasur edhe gjakderdhje të brendshme.
Ende nuk dihet se si ka ardhur deri tek shembja e shpellës.
